"ئاوات جەناب نوری": كەرتی تایبەت داینەمۆی پێشكەوتنە ئابوورییەكانە لە دنیای نوێدا

"ئاوات جەناب نوری": كەرتی تایبەت داینەمۆی پێشكەوتنە ئابوورییەكانە لە دنیای نوێدا

وەزیری دارایی و ئابووری پێشوازی كرد لە شاندێكی یەكێتی ژوورەكانی بازرگانی و پیشەسازی.ئەمڕۆ پێنج شەممە 1/8/2019، بەڕێز (ئاوات جەناب نوری)، وەزیری دارایی و ئابووری حكومەتی هەرێم، پێشوازی كرد لە بەڕێز (د.دارا جەلیل خەیات) سەرۆكی یەكێتی ژوورەكانی بازرگانی و پیشەسازی هەرێمی كوردستان و شاندی یاوەری، كە بە مەبەستی پیرۆزبایی سەردانی وەزارەتیان كرد. لە میانی سەردانەكەدا وەزیری دارایی و ئابووری وێرای بەخێرهاتن، سوپاسی شاندی میوانی كرد بۆ سەردانەكەیان، ڕاشیگەیاند: كەرتی تایبەت داینەمۆی پێشكەوتنە ئابوورییەكانە لە دنیای نوێدا، بە كاركركردنی بەیەكەوەیی نێوان كەرتی گشتی و تایبەت دەتواندرێ سەركەوتنە ئابوورییەكان بەدەست بهێنین و چارەسەری قەیرانە دارایی و ئابوورییەكان بكەین. هاوكات شاندی میوان سوپاسی ئەو پێشوازی گەرمەی وەزیری دارایی و ئابووریان كرد هیوای بەردەوامی پەیوەندیەكانیان خواست. لە كۆتایدا وەزیری دارایی و ئابووری هەموو پشتیوانییەكی پیشاندا بۆ كەرتی تایبەت لە چوارچێوەی دەسەڵات و تواناكانی وەزارەتی دارایی و ئابووری.